محمد رمضان يروي تفاصيل الصفعة ويعتذر
اعتذر الفنان المصري محمد رمضان، للشاب الذي صفعه بالقلم خلال تواجده في الساحل الشمالي، بعد مشادة دارت بينهما.
وفي مقطع فيديو عبر حسابه الشخصي على انسغرام، ظهر رمضان لجمهوره وقال: “الجمهور العدل الأصيل الغالي، ألف شكر، وربنا ميحرمنيش منكم على وقفتكم معايا ومساندتكم وقريت وسمعت دفاعكم عني، وغلطتوا الولد الصغير”.
وأضاف: “بس الفيديو ده أنا عامله عشان أعترف بغلطي وأعتذر لأهل الولد الصغير إن إيدي اتمدت عليه وأنا عارف أنه عيل صغير لأنه لما غلط في الأول قلعته الكاب وبصيت في وشه لقيته عيل صغير، قولتله اسمك ايه يا حبيبي، قالي اسمي كذا قولتله تمام وسبته ومشيت”.
وأكمل محمد رمضان، تفاصيل الحادث، قائلاً: “ولكن هو غلط تاني فلفيت تاني قولتله هات الموبايل مرضيش فضربته قلم بسيط وبسببه طير له الكاب والنضارة اللي كان لابسها، وإذ كان الناموسة اللي هو ادهاني على وشي فانا استاهل منها خمس زيهم، عشان أنا مديت إيدي على عيل صغير ودي لا رجولة ولا بطولة، فدي الغلطة اللي طالع اعتذر عنها”.
وتابع: “ولما أخدت الموبايل منه ومسحت الفيديو حد قالي اكسر له الموبايل عشان ميعملش كدة تاني، قولتلهم طب هو غلط ذنب أهله إيه يتكلفوا موبايل جديد، قولتلهم سيبوه يروح لأهله، وكان ممكن اعمل له محضر، لإني لما سألت عرفت أنه نازل في قرية تانية “اللوتس”، ودخل “مراسي” وهو مش قاعد فيها”.
